មើលផែនគេផង

(ប)ហាអេអើងអើយ..ស្មានតែស្រីស្អាតមកពីណាតាមពិតគឺថាគ្នាឯងទេ ស្មានតែក្រមុំមកពីស្រុកគេតាមពិតអ្នក​ក្បែររបងផ្ទះគ្នាសោះ ទើបតែបែកពីរបីឆ្នាំឥឡូវឡើងខ្លួនថាស្រស់អើយស្រស់ សាច់សផ្លាតឡើងហោះខុសដាច់ពីមុនឡើងខ្មៅងងឹត

(ស)អេអើងអើយ...ផ្លែផ្កាដូចជាខុសទំនងមើលផែនគេផងកុំទទឹងទទែង សម្តីមិនចេះខ្លាចក្រែងខ្ញុំឈរតែឯងហ៊ានចូលមកពិនិត្យ ហៅខ្ញុំខ្មៅៗពេញមាត់ខ្មៅមិនគ្រប់ថែមទាំងងងឹត បើខ្លាំងចូលមកឱ្យជិតវាស់ស្បែកគ្នាមើលអ្នកណាខ្មៅជាងអ្នកណា

(ប)ហាអេអើងអើយ…សម្តីចាក់ឡងចាក់ផ្លាត​អាងតែខ្លួនស្អាតខ្មឺតខ្លាំងម៉្លេះណ៎ពីមុនកាលមិនទាន់សបានមាត់បានករួសរាយធម្មតា ឥឡូវគេឡើងស្រីស្អាត Upgrade Versionប៉ះរលាកហើយណា តិចបានបងជាសង្សារដូចពាក្យចាស់ថាស្អប់ជំពប់លើ

(ស)អេអើងអើយ...និយាយយូរទៅភ្លាវទៅដូចជាមិនត្រូវប្រធានបទសោះ

(ប)ខានជួបយូរគ្រាន់តែញ៉ោះនិយាយលេងសោះក៏មិនបានដែរអី

(ស)ចាស់ទុំខ្ញុំប្រកាន់ណាស់

(ប)ចាំបងប្រាប់ចាស់ៗឱ្យចូលស្តី

ចប់អើយចូលឆ្នាំថ្មីដណ្តឹងស្រីម៉ៅយកធ្វើ​ប្រពន្ធ យកធ្វើប្រពន្ធ