Җавапсыз мәхәббәт

Сагынган чакларымда

Сиңа хатлар язам

Җавапсыз мәхәббәтнең Утларында янам

Кулларың җылысын мин

Әле дә тоямын

Хыялым канатында

Мин сиңа очамын

Булмасак та, җаным, без бергә

Яшәрмен яратып

Җавапсыз сөюнең хисләрен

Йөрәктә яңартып

Күз алдымда тора гел

Ягымлы карашың

Насыйп итмәде нигә

Сине әйт, язмышым

Җавапсыз булса да шул

Утларда янсам да

Яратып яшәрмен мин

Ялгызым калсам да