Син җитмисең җаныма

СИН ҖИТМИСЕҢ ҖАНЫМА

Гөлнара Баева сүзләре, Аяз Юскаев көе

Син җитмисең минем җаннарыма

Күзләремә сөеп караучы.

“Тик син минем мәхәббәтем” диеп

Ярты сүздән мине аңлаучы.

Кушымта:

Син җитмисең минем җаннарыма

Шаулап яңгыр яуган чагында.

Яңгыр тамчысы сүндерә алмый

Дөрләп янган утны җанымда.

Син җитмисең минем җаннарыма

Алмагачлар чәчәк атканда.

Ә кичләрен офык алсуланып

Күкләремдә кояш батканда.

Син җитмисең минем җаннарыма

Бик бәхетле мине итәргә.

Бары синең мәхәббәтең кирәк

Гомер көзләремә җитәргә.