Lula

ምሳይ ዝነበረት ብፍቅሪ ሓቢራ

ሓደ ወሲዱለይ ረኺበ መከራ

ብሓይሉ ዘሪፍዋ ጭፍርኡ ሰዲዱ

ምሳይ ዝነበረት ወሲዱዋ ዓዱ

እንታዋይ ደፋር'ዩ መን'ዩ ዘሕድገኒ

ክንደይ'ከ ይጭክን ዓይነይ ዘንቁረኒ

ብሃንደበት ከይዳ ሰሊላ

ኣይፈለጥኩን ናበይ ከም ዘላ

ወሲዶምለይ ኣሕዲጎምኒ ስኢነያ ሉላ

ደሃያ ስኢነ ዘላቶ ጠፊኡኒ

ደልየ ስኢነያ ሰለሎ ኣትዩኒ

ኣደ ስድራ ነይራ በዓልቲ ቓል-ኪዳነይ

ተፈላሊና ግን ዘኽታማት ኮይኖም ደቀይ

በጃኹም ድለይዋ ደቃ ኸተዕቢ

ሓላዊ ዘይብሎም ከይነኽሶም ከልቢ

ብሃንደበት ከይዳ ሰሊላ

ኣይፈለጥኩን ናበይ ከም ዘላ

ወሲዶማ እምበር ኣሕዲጎምኒ እምበር ዘሪፎማ ሉላ

ብሃንደበት ከይዳ ሰሊላ

ኣይፈለጥኩን ኣበይ ከም ዘላ

ወሲዶምለይ ኣሕዲጎምኒ ስኢነያ ሉላ

ብሓዘን ተዋሒጦም ደቀይ ብናፍቖታ

ገፊሕ ዓራት ገዲፎም ደቂሶም ኣብ ባይታ

ሉላ እናበሉ ስማ ኽጽውዑ

ነዲኦም ስኢኖም ዘኽቲሞም ቆልዑ

ከየቕንእዎም መታን ቆልዑ ጎረባብቲ

ንሉላ ጸውዑለይ ናይ ገዛ መብራህቲ

ብሃንደበት ከይዳ ሰሊላ

ኣይፈለጥኩን ናበይ ከም ዘላ

ወሲዶምለይ ኣሕዲጎምኒ ስኢነያ ሉላ

ብሃንደበት ከይዳ ሰሊላ

ኣይፈለጥኩን ናበይ ከም ዘላ

ወሲዶምለይ የሕዲጎምኒ ስኢነያ ሉላ