Караңгылык

Беренче машина икенчегә бәрелә,

кан, кычкырулар, дөнья акка күмелә,

саубул, Амирхан, саубул, Фатих,

ахрысы, мин тәмам тормышка гашыйк,

чиксез – яратам тормышымны

карыйм аркадашымны

ул берни әйтми, иң авыры аяклар,

минеке аларны өстерәп баралар,

һәм без кайда соң, бу квартал йә көньяк,

башта чайкала кичке коньяк

йоклама, кабәхәт, үлмә, әйдә,

эзлә үзеңне асфальт көзгедә

караңгылык – минем яраткан вакыт

бәхет кошыңны аттым, әнә, тот

Гыйлванов аһәңе, шәһәр вакыты,

метрода кешеләр безгә карамады,

кичке унике, секундлар тизәя,

инша түгел, иншалла, булыр хикәя,

дустым эндәшә – йөрәк эшләми,

әмма кесәдә акча һич тә бетми,

минем турында юк бит протокол

my life is the most emptiest hole

аның җанкае очты өсләргә

тән иртәгә кадәр теләде биергә.

Иртән карасаң, менә тән, менә җан,

яшәсен берденбер сихерле Казан

караңгылык – минем яраткан вакыт

бәхет кошыңны аттым, әнә, тот