Урал Кызы

Уларҙың үткер һүҙе һоҡландыра күптәрҙе

Яңғырата бар сит илдәрҙе

Яғымлы ҡараштары нескә билле буй һыны

Әйләндерәләр бит баштарҙы

Моңло тауышы рухы үткер һүҙле булыуы

Һоҡландыра хатта көслө булыуы

Үҙ халҡының ҡыҙҙары милләттең ғорурлығы

Кәрәкмәй хатта көмөш алтындары

Һай аҫыл минең илемдең ҡыҙҙары

Намыҫлы итеп үҫтерәбеҙ уларҙы

Өҙҙөрөп тә баҫабыҙ ҙа матур булып ҡалабыҙ

Илемдең киләсәге булып

Йондоҙ булып балҡыйбыҙ

Рухлы булып үҫтем тыуған илемдә

Сит илдәрҙә йәшәһәм дә һөйләшәм үҙ телемдә

Яратам һоҡланам илемә тоғро ҡалам

Ҡайҙа ғына йөрөһәм дә милләтем тейеп янам

Тарихты хөрмәт итәм үҙ тамырымды беләм

Шәжәрәмде өйрәнеп балаларыма еткерәм

Рәхәтләнеп йәшәйем ата бабам ерендә

Ошо йырымды ишетһәң ҡушыл тиҙерәк әйҙә

Һин дә тик ятып ҡалма тыуған телеңде ярат

Башҡаларҙан өлгө алып мөхәббәтеңде тарат

Аҡыллы бул йор һүҙле бул зирәклектә бирешмә

Башҡалар беҙҙән көлә тип ялған һүҙ менән килешмә

Үҙ үҙеңде юғалтма милләтеңде онотма

Телеңдән һин оялып башҡалар кеуек булма

Беҙ йәшәйбеҙ Уралдың алтын көмөш ерендә

Халҡымдың ғорур балаһы булам мин үҙ еремдә

Һай аҫыл минең илемдең ҡыҙҙары

Намыҫлы итеп үҫтерәбеҙ уларҙы

Өҙҙөрөп тә баҫабыҙ ҙа матур булып ҡалабыҙ

Илемдең киләсәге булып

Йондоҙ булып балҡыйбыҙ