Vini fété Nwèl

Lanné-lasa mwen pa bizwen

Pon jouwé pou fè'an plézi

Pon ti kado, pon ti ayen

A pa sa ké fè'an souri

Onsèl biten mwen anvi

Sé kè ou rivé vini

Lannè-lasa, chè

Vini fété Nwèl èvè nou

Lanné-lasa mwen pa bizwen

Pon jouwé pou fè'an plézi

Pon ti kado, pon ti ayen

A pa sa ké fè'an souri

Mwen pa bizwen gran pen gran vyann

Chanpàn, diven ka koulé

Mwen pa prévwa monté-désann

Tout lannuit bwè é manjé

Onsèl biten mwen anvi

Sé kè ou rivé vini

Lanné-lasa, chè

Vini fété Nwèl èvè nou

Lanné-lasa mwen pa bizwen

Bèl soulyé pou ay dansé

Mwen pa achté wòb a sèken

Pou toutmoun vwè mwen briyé

Mwen kay envité dé zanmi

Pou pasé on bon swaré

Mwen ké jous kriyé lafanmi

Mé ni on biten ké manké

Mwen té ké vlé kè ou la

San vou sa pa ni menm gou-la

Lanné-lasa, chè

Vini fété Nwèl èvè nou

Dèpi tan ou pati enstalé lòtkoté

Twòp lanné san vwè-w, pétèt ou oubliyé

Kijan nou té enmé ri

É tousa nou ja konstrui

Sa té ké bèl

Si ou té ni zèl

Pou ou rivé owa an-nou oswèla

Lanné-lasa mwen pa bizwen

Sizé owa pon sapen

Mwen pa k'ay atann pon vyè nonm

Ka pléré douvan on vè ronm

Tousa mwen té ké anvi

Sél biten ké fè-mwen plézi

Lanné-lasa, chè

Vini fété Nwèl èvè nou