Chanté (Version Trio Fouyé KaLbas)

KANMAN 1

Ka i ka pasé ? Ka i ka rivé ?

Mond an-nou ka touné fou

Moun ka kyouyé an non a Bondyé

Dlo monté an zyé an-nou

Ki èspwa pou dèmen ?

Ka nou ka planté an jaden ?

Ès sa pa pli fasil sizé la

Baré loraj anba pyébwa ?

RÈFREN

É poutan an ké chanté

Menmsi rèv an-mwen brizé

É poutan an ké chanté

Si ajounou mwen tonbé

É poutan an ké chanté

Lè vwa an-mwen ké kasé

É poutan an ké chanté

Mwen ké chanté

KANMAN 2

Lwa ka pasé san pèsonn voté

Gouvèlman ka vini fou

Plis ou travay sé mwens yo ka ba-w

Yo ka sousé san an-nou

Goumé pa ka péyé

Sé plis soufwans sa ka pòté

Konmen adan nou pèd lafwa ?

Konmen ké rété okonba ?

RÈFREN

É poutan an ké chanté

Menmsi rèv an-mwen brizé

É poutan an ké chanté

Si ajounou mwen tonbé

É poutan an ké chanté

Lè vwa an-mwen ké kasé

É poutan an ké chanté

Mwen ké chanté (2 fwa)

PON

Chanté sa pa ayen

Sé kon on sourir, on lanmen

Sé pou di lanmou ki an kè an-mwen (2 fwa)

KANMAN 3

Vin owa an-mwen pou nou pé byen

Lésé lézòt kouri fou

Si ou gadé byen, fò ou ay pli lwen

Hak pa pli fò ki lanmou

Anba syèl déchenné

Oben lè vant a latè ka tranblé

Lè mwen pè solèy pa lévé

Lè kè an-mwen pa las pléré

RÈFREN (3X)

An ka kontinyé chanté

Menmsi rèv an-mwen brizé

An ka kontinyé chanté

Si ajounou mwen tonbé

An ka kontinyé chanté

Lè vwa an-mwen ka kasé

An ka chanté

An ka chanté

É poutan an ké chanté

Menmsi rèv an-mwen brizé

É poutan an ké chanté

Si ajounou mwen tonbé

É poutan an ké chanté

Lè vwan an-mwen ké kasé

É poutan an ké chanté

An ké chanté

Chanté, rèv an-mwen brizé

Chanté, ajounou mwen tonbé

Chanté, vwa an-mwen ka kasé

Chanté, chanté...