في نص الليل

بعد ما احكي الرد كأنك بتتكلم عني

انا كنت عايز رد يهدي مكنتش عايز اكتب واغني

كنت عايز اسمع انا معاك كل صعب هيعدي

بس انا لوحدي انا لوحدي

--

مبقتش انزل مبقتش اشوف الناس

محدش افتقدني من الاساس

كله عدي عليا وداس . عاز الكل وما اتعاز

انا كنت ليك عكاز . كنت متاقلك بالماس

--

لوحدي زي زمان لو احكي ليك هكون ندمان . عايز مخي يهدي وانام وابطل افكر في اوهام

وانساكي .. وانسي حياتي معاكي

انا كان زماني بخير لولاكي

--

مبقاش فيه طاقه احاول عشان حاجه تاني

بكتبلك وغيرك بيسمع الاغاني

مستنين اقول وحشاني واني بقيت عايش وحداني

واني احكي في تفاصيل حياتي واقول من غيرك انا بعاني

--

سايبني لمين .. حبيبي وعودك راحت فين

لمسه ايدك تمحي الويل لوحدي انا في نص الليل

اكتب عنك .. مشيتلك طريق طويل رجعت ازك

لما تيجي سيرتك بتعكنن ومستحيل افك

X2

--

رجعت لفتره مش حاببها

مشاكلي اكبر من اني اتبدلت من حبيبها بقيت صاحبها

مش لايقين . ده سيناريو عايشين فيه بقالنا سنين

الارق باين علي العينين انا منمتش من ليلتين

--

وبان في صوتي . التعب مش هيخلص الا بموتي

لو قولت عودي مش هتعودي ف مش هتشوفي غير برودي

هنا مزيكا .. تعرف عني بلاوي

هنا مزيكا ابوح عليها ومملتش من الحكاوي

--

حواديتي ملت . دمرت قلبي وولت

سألت مالك جيت احكيلها قولت تمام اديا اتشلت

اتكلي .. محدش في التفاصيل كان بيشاركني

كانت صراحه ولا بجاحه لما جت تقول باركلي

--

بكتب وامسح . افتح صورك وبسرح

انا لو عايزك وانتي زيي الدنيا صعبه ومش هتسمح

ف انا اسف . معرفتش ابقي بيكي حاسس

كلامك فجر قلبي كأنه حزام ناسف