مفهاش حلول

سقتني الدنيا مري فكل شئ حبيتو

اديني كنت معاهم قلي مين لما احتاجتو لقيتو

مببينش مهما يزيد الرزع فمخي طبعي هدوء

كان عندي حل ديما ليه المره دي مفيهاش حلول

قله حيلتي الايام مبقاش في حيل اتعكز

انا اطحن عضمي وخاطري بس نفسي بتعلي وبتتعزز

رضيت عشان شفت اني مش هغير شئ

ومفيش اصعب من انك بعد ما تفقد شئ تقول طب ليه؟

عديت كل الي فات ومشيت طريقي بدوس علي جمر

منولتش فرحه واتلجمت بحزن الدنيا كانو وامر

ماسك في ايدي من زمان كلمه ياريت

مبطبش لما بحكي فبسكت لاجل ما اندم اني حكيت

سبت احبال الود بيننا فبعدك تشنق قلبي

مش فاكر غير اني اتكسرخاطري منك وانتي مني

مكنش ليا غيري ديما كنتلي العكاز

لو همشيلك خطوه هكسر رجلي واحرق قلبي بجاز

ميلت كتفي سنده لكن محدش كان معايا

ازاي هكون انا الوحيد الناجي من حروب جوايا؟

عديت كأن مكنش بيننا شئ وانا فمكاني

هتفهم بس لما تفهم وعد مش هتشوفني تاني

مكفنيش كل الكلام ده لاجل ما اعرف ابوح

مبقتش فارقه مسكت ياما وعادي الي يروح يروح

مشيت كل الطريق ده واديني وصلت لوحدي هنا

تشكر..محدش غيرك قدر انو يوصلني لكده

متتعشمش فسنده البشر مايله مش هتحسك

تيجي من الدنيا عادي بس الصعب جاتلي منك

انا مش بخير طب انت بخير عليك طمني

مش موجوع من حاجه قد ما كنت موجوع انك مني

مش كل الكلام يتقال فبسكت مره واحده

متصانتش حتي من صحابي كل البشر جاحده

خدت دروس ف اني اتعلم اني مهما كان مأمنش

فخيالك بس هسلم بس كريم مبيسلمش

بعافر رغم معتش حيل ادق باب اتسك

مش ظابطه معايا وجايه قافله فوشي زي اليك

بلعت مرار كل الي فات ومقلتش لا

بكره زي ما عوزت اكون هكون من غيركو برضو وابقي