30 Jaar

Onthou my, ek was eerste

Voor die blou lug se terwyl

Voor oud word en verwater

Se geleidelike verwyl

Jou binneste geluide

Se bietjie bietjie dryf

Wat eendag net te ver was

Om na my toe te kon wys

Jy wil ophou voor die water

Ek sien dit in jou tree

Maar daar's te baie goed van gister

Vir ons om weg te wees

Onthou my, ek verreken

Transaksies altyd aan

Alles opskryf heeldag

Hierso heen vir daar vandaan

Dit vat jou al hoe langer

Dit kos jou al hoe meer

Tot jy eendag kort is

En my asem moet kom leen

Jy wil ophou voor die water

Ek sien dit in jou tree

Maar daar's te baie goed van gister

Vir ons om nog te weeg

Onthou my, ek's wat oor is

Van die ou wêreld, my lief

Voor alles vol vernis was

En jou arms my kon kies

Vertel my van die duur goed

Ek is 30 jaar al uit

En dors genoeg vir buite

Om binne toe te buig

Jy wil ophou voor die water

Ek sien dit in jou tree

Maar daar's te baie goed van gister

Vir ons om weg te gee

Onthou my, ek's wat oor is

Van die ou wêreld, my lief

Voor alles vol vernis was

En jou arms my kon kies

Vertel my van die duur goed

Ek is 30 jaar al uit

En dors genoeg vir buite

Om binne toe te buig

Jy wil ophou voor die water

Ek sien dit in jou tree

Maar daar's te baie goed van gister

Vir ons om weg te wees