Stealthmode

stealthmode

mir si nid ufem radar

ihri homies mache krach

mir gö silent i dr nacht

stealthmode

surstoffperle ungerem wasser, d oberflächi gspannt

sturmmaske us samt, wäuä brächä im sand

puri eleganz umhüllt vo schwarzem neopren

schaffe dert wos niemer gseht, lue si hocke zu bequem

e nadustich fürd bourgosie, e grosse schritt fürd mönscheit

glasvitrine lääre sich während sie im garte brunche

nämä nume was mir bruche, lönä übrig was si bruche

oder emu söfu wie sie geng hei bhouptet dass für öpper gnue sig

stealthmode

mir si nid ufem radar

ihri homies mache krach

mir gö silent i dr nacht

stealthmode

früschä wind im sägu sicht isch klar und d route fix

voui energie u keni kompromiss bim speed

ihri fundamänt zemäntschue, üses geng am wachse

wüsse säuber wasmer mache, wän u was dass mir am start hei

presänz im netz isch wunderbar doch fakt isch das wo louft

nid aus was glänzt isch gold, schwige mängisch scho

kommentär präzis heisst nume dert wos öpis bringt

säge mini show ab wes für die rundum nid stimmt

jede tag die gliche stimme, überau die gliche gschichte

weni nume nones echo bi de chani sehr guet druf verzichte

weni scho cha rolle bsetze, luegi zwöi mau ume egge

jedi afrag pusht es ego, jede franke git chli meh luft

solang wieni i spiegu luege luegi nur uf mi

plus i loufe gfahr dass aues blibt wies isch

vo afang a e plattform gha, bout vo lüt wie mir

doch solang si nur für mi isch, isch si nüt für mi

stealthmode

mir si nid ufem radar

ihri homies mache krach

mir gö silent i dr nacht

stealthmode

stealthmode

mir si nid ufem radar

ihri homies mache krach

mir gö silent i dr nacht

stealthmode

mir si nid ufem radar es wird aues schön verpackt

ganz egau was du grad machsch mir si dranne jede tag

i dim dorf i dire stadt ufem wasser und a land

gsesch üs nid doch mir si ume idr nacht