Strohhalm (Interlude)

mir hei wider einisch dick uftreit

si auui chli meh aus in würklechkeit

es heifischbecki u mir stürze dri

im gloube dra mir heiges üs verdient

rouch i dr luft u dr bodä bäbt

pokäu u trophää a de wänd

zeige wases aus no z hole gäb

s isch kes problem wed zit nid längt

funke flüge zwüsche blitzliechter

vertroue uf null bide glichgsinnte

wortlosi deals steue d nachfrag sicher

chöme nid vom fläck aber d wäut träit witer

zahle lehrgäuder womer üs nid chöi leiste

wei später nüt beröie

sinke immer töifer

we z iis langsam schmiuzt

dr pegu witer stigt

de häbi mi am strohhalm

i bi no nid so wit

d strasse si stiu

we d sunne nid schiint

i ha no so viu vorgha

drum häbi mi am strohhalm

o we d luft duss isch u dr mage knurrt

wär itz no wott ga brucht e guete grund

solang niemer fragt isch o niemer tschuud

mache witer uf kredit, bises nümme git

vo afang a ke plan was das hie hätti söue

aber immerhin für einisch zämä tröime

gseh üs a dr bar, bsteue no e drink

zur sicherheit mit zwöi röhrli dinn