Dərələr

Çinarlar qatar-qatar

Qalxıb zirvəyə çatar

Dağa qısılıb yatar

Mışıl-mışıl dərələr

Dərələr, dərələr, dərələr

Yaşıl-yaşıl dərələr

Dərələr, dərələr, dərələr

Yaşıl-yaşıl dərələr

Sizlərə vurğunam mən

Bəzəyiniz şəfəqdən

Günəş qalxar üfüqdən

Ovuc-ovuc zər ələr

Dərələr, dərələr, dərələr

Ovuc-ovuc zər ələr

Dərələr, dərələr, ay dərələr

Ovuc-ovuc zər ələr

Quş kimi üstünüzdən

Qanad çalım dərələr

Şamlıqda bir axşamlıq

Qonaq qalım, dərələr

Dərələr, dərələr, dərələr

Qonaq qalım, dərələr

Dərələr, dərələr, dərələr

Qonaq qalım, dərələr

Əgər ki, yıxılsam çinar göstərin

Mən ona söykənib arana baxım

Gözlərim görməsə Göy gölü verin

Mən onun gözüylə cahana baxım

Hər yerdə, həmişə

Sənsən gümanım

Canım-gözüm mənim

Azərbaycanım

Sən günəş, mən isə bir zərrə kimi

Diriykən oğlunam, ölsəm torpağın

Sən ki döyündürdün mənim qəlbimi

Sən uca çinarsan, mənsə yarpağın

Mənəm sənin özün, eşqim, canım

Sənsən mənim gözüm

Azərbaycanım

Quş kimi üstünüzdən

Qanad çalım dərələr

Şamlıqda bir axşamlıq

Qonaq qalım, dərələr

Dərələr, dərələr, dərələr

Qonaq qalım, dərələr

Dərələr, dərələr, dərələr

Qonaq qalım, dərələr

Qonaq qalım, dərələr

Qonaq qalım, dərələr