Bakı və Mentalitet

Metromuz The Walking Dead

Yuxulu gözdən axır dərd

Mədəniyyəti küncə qoyub, ya küncünə qoyublar ayırd et

Biz yaşamırıq ölürük

Çayxanada qəlyanımın üstünə qoy kömürü

Qoy ərisin canımız tək, onsuz da bu şəhərin

Şəffaf zəhər şüşələri sümükləri sömürür

Yüksək binalar, alçaq insanlarla dolub artıq bu şəhər

Yaşayırıq bir təhər

Bu şəhər kimin damağının dadıdır?

Bura küləyin qaqa zarafatıdır

İstəyirik edə bilək beyinlərdə inqilab

İnqilabsa bu şəhərdə yalnız adam adıdır

Neçə-neçə tanıyıram boşa heçnə deyinən

Hamı Qorqud, hamı olub Beyrək

Tutulub qulaqlar, yuyulub beyinlər

"Bakı sabahın xeyir" yox, artıq gecən xeyirə

Bakı gözəl şəhərdir, amma mehriban diyar deyil

Mənə elə baxma, gözlərin tərəzidi

Hiss edirəm içindəki nifrəti, qəzəbi

Elə baxma! Üstündəki sözlərin səbəbidi, tabuların olmusuz əsiri

Köhnə başlar danışmasın artıq

Danışaq gəncliyi necə ələ saldız?

Bizdən hörmət gözləyib əlimizdən sığındığımız arzunu aldız

Neçə gənc tanıyıram, atası döyər deyə hədəfini gizlədir

Çox yaşıdım var, arzuların atıb həyatını məhv edir (Nəyə görə?)

Çünki fikirlərimizə qoymadız hörmət

Hər üç evdən ikisində mənəvi şiddət

Onun, bunun fikriylə formalaşan hərəkət

Bu millətin axrına çıxacaq bu qeybət

Tindəki gədələrmi bu ölkənin gələcəyi?

Ona - buna söz atıb qoruyurlar bəşəriyyəti

Əynimdə short, ya da qulağımda piercing

Mentalitet ödəmir dövrümüzün tələbini

Kim nə istəsə, edər, sizə nə var? Qarışmayın

Heç bir köhnə fikri sevmirik, barışmırıq

Onun-bunun sözüylə yaşamağa alışmısız

Cahillərin qumarında gətirməz ki naxışımız