Ekokogiya və Müharibə (feat. Kevin Blvck)

Ayağa qalxdıq, "Haqqımız var" dedik ki, düşsün bu ağızlara

Biz kəsib ağacları üstünə "Təbiəti qoruyaq!" yazırıq kağızlara

Kürdə su qalmayıb balıqlara, inan önəmli olmasa danışmaram

Hər kəs əlini daşın altına qoysa, mən bu qədər yanıb alışmaram

Torpağın can damarlarına axır çirkləndirdilmiş kirli sular

Havanın bir kub metrində görən nə qədər zəhərli qazlar var?

İyirmi ikinci əsrdə içməli su çətin tapılar bu gedişlə

Səkkizinci qitə tullantılardan yaranıb desəm dilin tutular

Qarışıram həyat dolu torpağın mən canına

Zibilləri axıdırıq dənizin yatağına

Düşər bir gün bu təbiət insanların canına

Onda kim köməyə gələcək ki sənin yanına?

Xəritə üstə yazılan yazıda əzilən ordular

Silah qalxıb üzə dirənir, gözlə görünür qorxular

Qızıl dirhəmmi ağır gəlir, yoxsa bir can?

Bu sualı da verək gərək ac gözlü insan oğluna

Fərqli duyğular, fərqli yol, fərqli doğrular

Səngər dolu arzular yarıda qaldılar

Torpaq toxum sevir, torpaq sevmir-sevmir qan

Qəbirlərə əsgər deyil artıq, silah dolduraq

Qılınc, qalxan, dəbilqələr

İndi güllələr

Medallar da cənnətə uzanan uzun pillələr

Torpaq altdakına lazımmı abidə, heykəl?

Nakam ruhlar üstünə tikilən nəhəng qüllələr

Düzələr o zaman uşaqlar qurban olmayanda

Gözlər dolmayan da, əkdiyin gül solmayanda

İnanmıram Ütopiadı uzaq xəyal

Müharibə dayanar ancaq insan olmayanda