澳門風光

（嗱 趁住有兩三日假期 過去澳門沖個涼 揼個骨 再搵阿何生鍊返幾手 嗱 朋友 係去就跟住嚟啦嘞 好快咋 唔駛一個鐘就到㗎嘞 喂喂喂) 嚟架步好過住酒店 歐美呀圓床電動暖氈 樂似仙 酒共煙 都要堅 傢私佢設備全 嗱 嚟架步搵阿趙小燕 衫褲除埋任佢鍊 佢為了錢 死吔冤 死吔鍊 鍊到我周身軟咯 佢聲聲要錢 我癡心暗戀 一話無錢咋 單就要簽 我為了搲銀 搵大檔鍊 三更半夜 去打劫贼船 唉 唔夠運 輸到袋都反轉 板櫈梅牌地夾天 唉 實眼冤 輸錢 心啊酸 輸光晒無彎轉咯 (唉 俗語都有話 洗頭沐浴 就不入賭局 而家錢又輸晒 唯有搵阿堅叔借啲貴利搏一搏 搏到就冚家富貴 搏唔到呀 幾閉翳) 我急需要錢 皆因要鍊 搵着阿堅 單就要簽 嗰啲大耳窿呢 佢犀利到癫 身份證 都仲要畀佢留存 我行個運 打個白鸽轉 轉個牌頭 我又去鍊 我仲去鍊 雙天 兼至尊 即刻去搵小燕嘞