絲打天花板 (feat. 尹光)

瑪：(WELL 拍拖嘅野好簡單㗎咋 啱FEEL就得㗎啦) 其實我都唔算係太過刁蠻 唔好太大男人 但痴身又超煩 有車有樓 係基本有遠見會THINK BIG 知我咩心情 食咩 今日眼影咩色 我都有盡本份 鑽研美肌嘅秘技 拉走魚尾紋 做HIFU令皮膚升起 一早準備好俾未來男人嘅驚喜 雪卵KEEP起我最完美嘅DNA 尹：哇 呢啲要求要去杜拜搵 你有冇擔心自己被淘汰緊 尖酸刻薄 抵你失落咁鬼狼戾 乜都講錢 注定俾人塞落倉底 我地個代邊有咁大鑊 素顏由柴灣玩到尖東一直落 天然係最索 如果啲要求唔係咁絕 晨早捱過左個十月 唔洗拎卵去雪 唔洗拎卵去雪 瑪：(Sister) 接受進化 (Hey sister) 咪忟啦 (Ay whisper) 真心話 Age is just a number 尹光：阿女 你要識愛自己 唔好郁啲要生要死 你妒忌佢皮膚好過你 但又冇人地咁好老脾 阿女 你要識愛自己 It's okay to be not ok 自卑係最大禁忌 無需再逃避個班冇taste嘅茂利 瑪：請不要慌張 這矜貴需要醞釀 自信得發亮 (耀眼像太陽) 只想 大肆鋪張 典雅姿態隨意欣賞 拋開舊印象 (有我沒冷場) 護膚品不停 侵蝕我嘅銀包 每日用嘅粉底 會引起塵爆 中女代表住 三十後嘅鬥爭 我只想斬斷所有 似躝藤嘅皺紋 我可以減減減 乜都唔食 班男人揀揀揀 對外貌嘅挑剔 三十後慘慘慘 愈照鏡愈消極 唔夠力玩太晏 10點後失去消息 光：亂咁批盪 好易變爛尾樓 落妝變落湯雞 嚇到雞飛狗走 皮膚冇得抖 塊面咁樣長期翻煎 喬妝後先講條件 咁係商業詐騙 你需要信信信 原來嘅自己 男人未蠢蠢蠢 到唔知你係畫皮 有人鍾意飲水 亦有人愛威士忌 有人鍾意清純 就有人識欣賞韻味 瑪：(Sister) 接受進化 (Hey sister) 咪忟啦 (Ay whisper) 真心話 Age is just a number 光：阿女 你要識愛自己 唔好郁啲要生要死 你妒忌佢 皮膚好過你 但又冇人地咁好老脾 阿女 你要識愛自己 It's okay to be not ok 自卑係最大禁忌 無需再逃避個班冇TASTE嘅茂利 瑪：請不要慌張 這矜貴需要醞釀 自信得發亮 (耀眼像太陽) 只想 大肆鋪張 典雅姿態隨意欣賞 拋開舊印象(再較量) 請即管囂張 懶理廢話在叫嚷 光：將班HATER打包封箱 全面清場 中間放你嘅雕像 合：穿梭 暴雪風霜 只有心態可 逆齡生長 創造新形象 受萬人景仰