Muktar Ango

Amarya taso zauna a gefen ango

Domin kun dace gare ki ya zam jigo

Ki lallaɓa Mukhtar domin zuma ta fi rago

Auren soyayya da ba a yi wa jayayya

Zainaba amarya, Hamisu ne mai waƙa

Na zo ni gare ki da wata babbar saƙa

Buɗe kunnenki amarya ga wata waƙa

Kin yo aure ne muna ta sa albarka

Da ni da Mudan Auta shi yasa nai waƙa

Amarya ʼyar gidan albarka

Ki zauna

Guɗar da muke za mu yo ta bayan aure

Burinmu ki zauna gidan mijinki ki tare

Zainab Mama amarya ki yi ta fesa turare

Mukhtar chairman da ke da shi a yau an ɗaure

Murna muka zo mu taya ku ranar aure

Amarya, koma jikin mijinki ki zauna

Idan kin yi hakan soyayya ta zama ƙauna

Ranar wanka cibi dole sai an nuna

Salisu Yaro nawa yai rawa don murna

Amarya Zainaba Mama yau ga rana

Mun shaida angonki ba ya gugar zana

Mukhtar ango yanzu ka ɗarar ma gwauro

Ka yo auren so a yanzu ka fasa taro

Ka fi su Ghali Dorayi suna nan a soro

Mudassir Auta na san yana nan a hanya

Ya kusa aure tunda shi yana soyayya

Amarya ga tamburan mai waƙa

Buri na a ce ki tashi ki taka

Ango ka zo ka ɗan albarka

Duka abokanai suna gaisheka

Ismaʼil Barewa ban gangarka

Mamana a yanzu zan gaishe ki

Maman amarya maman ango dole yabonki

Ranar aure, yau ne ake bikin ʼyaʼyanku

Soyayya silar zama na amana

Nan za na tsaya nima gida zan koma

Suna na Hamisu S Yusuf ne

Breaker ni ɗin na ʼyan Ɗorayi ne

Sai wata rana ʼyan uwa na bar ku lafiya