Safaripark

Wüd g'wordne Grosstodthordn Wölzn si seit zwa noch Nordn Mittndrin mei Frau und d'Kinda Gemma Papa gschwinda gschwinda Schrein de G'schroppn wäu se hoffn Dass se segn im Zoo de Affn Pack eam Papa zah doch aun Fohr dem Kübl schon davaun Steig aufs Gas wia da Jim Clark Auf zum Safaripark Staub und Gase einegschluckt Saund und Zahnderl aussegschpukt Noch an klassn hassn Spurt Samma leicht vaschwitzt a duat Und mit fest zaumbissne Zähnd Homma unsern Eintritt brennt Nau wui bei denan eanre Preise Muass aus Goid sein d'Affnscheiße Papa fohr scho wia da Clark Durch den Safaripark Löwen schnoppn noch Fleischhoppn Zebras hupfn, Gros obzupfn A Gorilla, frisch vom Billa Beisst an Strauss, a Springmaus Springt zum Puma, ausn Schlumma Grissn springt der a, auf des nächste Zebra Antilopn beim Frühschoppn Ohne Leine, Warzenschweine Krokodü und Riesnschlaungan, Schimpansn de Bananen faungan Gazölln de üwa Autos springan, Flamingos Heimatliada singan Elefauntn, saumt Vawaundtn taunzn Rock Üwa Stan und üwa Stock Do schleichn d'Autos, spendn Gase Lossn hamlich Benzinschaße De se durch de Büsche windn Kitzln von de Bam de Rindn A Tiga huckt auf ana Baunk Mit an Schüdl lungenkraunk A Aumsl frisst an Regnwurm A Wärta haut an Affnbuam Moskitos hört ma Nochttäpf suachn An Steira seinen Kropf vafluachn Beim Ausgaung is da Babyzoo A Fülzlaus und a Gletscherfloh Reitn auf an Marienkäfer Laut schnorcht a Siebenschläfer Jappi dappi du Papa schau a Gnu Jo so fohr i wia da Clark Durch den Safaripark Nochm Gnu gehts nix wia ham Mei Frau, i und de Kinda Papa schau duat aum Bam Do Pickt a ganz a Gschwinda Lossts 'n pickn, wia da Clark Fohr i ham vom Safaripark Klass wors in da frischn Luft Liegn ma amoi in da Gruft Werma von de Gase trama De ma g'schluckt hom mia und d'Lama De wos vor lauter Dreck nur schluckn Vagessn hom auf d'Wärta spuckn Oam san de Safariviecha Owa reich wean de Safaribücha Trotzdem fohre wia da Clark Nächste Wochn wieda in Safaripark Unter dem Motto: Jedem Daktari Seine Safari