drei filosofen
drei filosofen sitzen beim ofen und reden
wem keat de wöd nur denan mit göd oda an jeden
wem keat des brot wem keat de wuascht
wem keat da hunga wem keat da duascht
wem keat des wossa wem keat da wein
wos is gerecht und wos is gemein
grau is da nebö so grau wia i
grau is de leben und de theorie
da exekuta hukkta im gnack
und du bist in der rü de la gack
drei junge soidotn auf ana granotn spün koatn
wea kummt in d gruam und wea muass bis muagn no woatn
wea wird im friedn glücklich und oid
wea kriagt mitn kriag tod und gewoit
wea is oft kraunk wea is immun
wea kriagt den schottn wea kriagt de sun
grau mocht den himme de schwerindustrie
grau is des lebn und de theorie
da exekuta nimmt si dein frack
nokat bist in der rü de la gack
drei spekulantn nebm an hydrantn de beten
wea wiad des zoin waun'd aktien foin wen wird ma retten
wea lebt im luxus wea muss si plogn
wea rewoltiert und wea wiad daschlogn
wea hängt aum bam nokat und bleich
wea kumt gsund ham wea ois a leich
grau und verstaubt de atomenergieie
grau is des lebn und de theorie
schreib auf de tür mit an goidanen lack
herzlich willkommen in der rü de la gack
drei oide dichta mit todernste gsichta de dichtn
fia ignorantn und fia oide tantn saumt nichtn
wea mochts fon fuan wea mochts anal
wea regt se auf wem is egal
wea kämpft heut no fia a bessare wöt
wea hot den dreck wea hot des göd
graue studenten der filosofie
grau is des lebn und de theorie
a bissl frustiert brichst da dein gnack
und so bleibst in der rü de la gack
text und musik: f.nussböck/s.maron
