In da Schui fangt aun da Ernst des Lebens
Wia schaut er aus da Ernst so frogt mei Klane
Stopft in Mund a hoibate Banane
Siech i Murgn in da Schui den Ernst des Lebens
Is er klan, is er gross
Nimmt er mir den Ostahos
S'Christkind und den Nikolaus
Wohnt er net in unsan Haus
Und sie rennt durch alle Zimma
Schreit wo hot er si vasteckt
Schmeisst in Kostn d'Puppntrimma
Jö durt hot si wos bewegt
A na da Vurhaung winkt den Puppn
De wortn auf a Nudlsuppn
Für d'Puppen kaunn si nimma kochen
Murgn hasts Aufgob, Aufgob mochn
Ans und ans is zwa
Fünf und drei is ocht
Wia laung dauert no de Nocht
Und si bringt kan Bissn owe
Schaut zum Zehntnmoi de Biachln duach
Rührt den Kaffee um mit da Gabel
Putzt mit da Zauhnpasta de Schuach
Und sie stuabt de Toschn ob
Putzt si mit da Saf de Zähnd
Ziagt a Hosn stottn Nochthemd aun
Woscht de Saf von ihre Händ
Ans und ans is zwa
Fünf und drei is ocht
Wia laung dauert no de nocht
Endlich liegt si in ihrn Bett
Sie deckt si mit an Schuiheft zua
Den Ernst des Lebns den kennts no net
Wia spät is denn auf da Uhr
Si tramt vom Rechna, Schreibn und Lesen
Und von dem sondaboren Wesn
Wos a Ernst des Lebns haßt
Tramt wer murgn net guat aufpasst
Wird nix wern in sein Lebn
Und mit Zittern und mit Bebn
Faungt si aun zum Schloffn
Und losst für murgn ois offn
Beim Frühstück wetzts nervös auf ihrm Stuhl
Und gfreit si waunsinnig auf d'Schui
