Waunn de Sunn wia a Blitz endlich untergeht
Und die Nocht schickt den Tog um a Bier
Waunn da Mond frisch foliert aum Himmel stheht
Daunn kummt sie wieder zu mir
Von nebnaun rieachts verdächtig noch Sauerkraut
A Schmetterling schwimmt in mein Bier
Im Stieagnhaus hot's an auf de Goschn g'haut
Gaunz leise klopft wer aun mei Tür
So fruah wor sie no nie do
I stöll den Radio ob
So fruah wor sie no nie do
De Blumen, de nimm i ihr ob
Und de Tür geht gaunz laungsaum noch außen auf
Hebt ob und zabröselt zu Staub
Da Dackl vom Nochbarn jogt de Kinda im Hof
Des Viech is blind und sei Herrl is taub
Und vur mir steht a gaunzes Sonnensystem
Ihr Lochn druckt mi aun de Waund
I sog, Servus, kumm, geh und moch es dir bequem
Und nimm sie gaunz fest bei der Haund
So fruah worst du no nie do
I stöll den Radio ob
So fruah worst du no nie do
De Blumen, de nimm i dir ob
Rund um uns hoit de Zeit den Atem aun
Mia schaun uns gaunz tieaf in de Augn
Jo sie is mei Frau und i bin ihr Maunn
Zwischn uns gibt's kane offanen Frogn
Waunn de Sunn wia a Blitz endlich untergeht
Und die Nocht schickt den Tog um a Bier
Waunn da Mond frisch foliert aum Himmel stheht
Daunn is sie wieder bei mir
