Topsongs van جفران بن هضبان
Credits
AUSFÜHRENDE KÜNSTLER:INNEN
جفران بن هضبان
Künstler:in
KOMPOSITION UND LIEDTEXT
عوض بن شفلوت
Texte
تراث
Komponist:in
Songteksten
راكب اللي صمموه الغرب لهواة الصحاري
افجح الغره وسيع الصدر مركوز الزوايا
مايقارن له بجيب ولاهلكس ولا سفاري
يعتبر هو شيخهم وهم تحت حكمه رعايا
كنه من ابل ال مره لا سرحة حل الصفاري
وكنه من خيل ال روق اليا تسروها عرايا
الهمر واللي سواه يروح مالي فيه طاري
المواتر عقب وصفه كلها شينة حلايا
وارد امريكا بلاد العلم والفكر التجاري
جمعو فيه الصفات وجمعو فيه المزايا
عزتي للي مايقناه ويبوج ابه الخباري
لا برق برق الربيع وجاوبة سحم الرفايا
لا نطحك تقول حر هيجه جول الحباري
ولا تخالف دربك ودربه ف عاين للمرايا
كل مقفى تحسب انه على الموت انتحاري
مرخص نفسه يوردها على حوض المنايا
وفزته لافز كنها فزة القرم ابن ساري
لا لفو يمه ضيوف ورحب وثنى التحايا
شكله من الخارج يذكرك بدروع الطواري
مصفحه ضد الرصاص وجاهزه وقت القايا
وشكله من الداخل يذكرك بالفن الحضاري
في نظام الفندقه والسحر ف عيون الصبايا
طالبه ما قصدي اسكب وقفته قدام داري
ولا بتبع به دروب اللي نوايهم دنايا
طالبه لعيون من لجله قضيت الليل ساري
اتعب افكاري واوردها واصدرها ضمايا
اطرق الحلف اليميني واشجب الحلف اليساري
واحيي الدستور لو ماتت عروقه ويتحايا
شاعر ولي في طروق الشعر مليون استشاري
كلهم في شخص واحد مايفكر بالمرايا
يادريول طارته دقايق اصدر قراري
واستلم مني البيوت اللي معانيها طرايا
وجهتك لا اهل السحيميه مقابيس الغداري
الرجال اللي ولدهم فاللقى ينطح سرايا
نصه اللي لا تولى الضد في يوم العزاري
ازلفت عيص النضى على غطاريف الولايا
قدمك بداح ابن سالم حوله سباع ضواري
يعتزي الطارف ببن سعدً ليا جات العزايا
الرفيق اللي بوقفاته وفزعاته نماري
للخوي والاجنبي والانودي سوا السوايا
بيض الله وجه ابو سالم عدد ذاري الذواري
الوفي الي على درب الوفاء ساق المطايا
لو يثمن طيب راسه بالجواهر والمصاري
مالقينا في بنوك سويسرا عقبه بقايا
الكرم في راح كفه مالكه ملك الجواري
حاتم الطائي توفى غير باقي له ذرايا
و الظفر في هقوته اسبق مدى من طلق ناري
لا انزهم ف الموقف الغصاب سراها عرايا
ان تحدث كنه ايسمع احاديث البخاري
وان سكت يبقى مثل سنجار ثابت ما تدايا
راسخن في المرجله من قبل حقبات السواري
في زمان مايسوق الرجل ياكود الحمايا
ينعرف راعي ال بويضاء في تهاتيه البراري
لازما العايل محاذيفه على روس الطنايا
ان مدحت ابن سحيم ارص قافي بدراري
الفخر لي وافتخر في عرف حماي التلايا
مدحه من الواجب ابدا به قبل يبدا مساري
وانشدو الي راح منه بالعطايا والهدايا
من رجال في نهار الضيم يرون الشباري
من سعاطير الجحادر لا بلا بالي البلايا
يدري الداري ويخبر واحد ماهوب داري
في قرارة نجد شاخو برهيفات الحنايا
ولا انا ربعي عبيده والفخر فينا جباري
السلوم سلومنا لانوخت حيل القضايا
وان مدحت ابن سحيم ارص قافي بدراري
الفخر لي وافتخر في عرف حماي التلايا
Written by: تراث, عوض بن شفلوت
