ينتخي به كل يامي

راكب اللي ينطنخ في الارض والسواق يامي

رنج روفر يعجبك ليله ليامنك سريته

إن مسكت بطارته ولا كفاني به حسامي

واحد من خيرة أخواني لما رحت ونخيته

واحد مايحسب الدنيا ولا يثني الكلامي

أبلج يعجبك منهاجه ليا منك قريته

كل ماكيم على الطبلون ثم شد الحزامي

ينشرح بالك على المسرى وتسري خلف ليته

نحره قصر الكريم العارف الذرب الهمامي

وسلمه سيف لبي طالب علي من عند بيته

وقله عبيان ابو عبدالله يقريك السلامي

وبيض الله وجه من مثلك ينومسنا بصيته

وقفتك ذا العام ولا قبل عام وقبل عامي

 دايم تسري بها الركبان في الارض الشتيته

طيب راس وقو باس وفزعة تظهر شمامي

ينشرح صدرك لما ضاقت بك القاع ونخيته

إسمه إن طروه في مجلس كلى كل الأسامي

ماتحول هقوته من دون علم به هقيته

شيخ من ترثة عجيم ينتخي به كل يامي

أصوك لي دندنت دندن وثبت مانشيته

ذاك ابو راكان زيزوم المواقيف الجسامي

فهد ابن هادي ابن قروش هذا اسمه كمبليته

شامري من ضنى مرزوق والعزوه هشامي

مذكري من سلايل يام يقدم لا اعتزيته

معرب من ساس سيسانه مروين الحسامي

يومها بالسيف والبندق على ظهر الكميته

مايخاوي كون من يزهى نظر زين الوشامي

مثل سهاج الفعول اللي شهر في القاع صيته

شيخ عرف وشيخ ظرف وشيخ فعل مايضامي

بقمي لي تعزووى ثارت القاع الصميته

  يوم جا سهاج حط اسمه على على وافي المقامي

صقرنا اللي منتهض كن السما قصره وبيته

مردد من خيرة المجنى عظيمين الاسامي

من ابيه وجده وخاله خذى مجده وصيته

والسلام ورحمة المولى على الناس الكرامي

مايكن الصدر اكبر من الكلام اللي حكيته