Мин бәхетле

Мин бәхетле

1. Мин бәхетле, иркен сулыш алам,

Мин бәхетле якты көнем бар.

Яшәр көчем, эшләр эшләрем бар,

Туган йортым, сөйгән гөлем бар.

Кушымта:

Мин бәхетле, бик бәхетле бүген,

Чөнки сулыш алам һәм исән.

Ләззәт алам, җанга сихәт табам,

Ходай биргән таңнан һәм кичтән.

2.Мин бәхетле, чөнки сөйгәнем бар,

Мин бәхетле, мине сөяләр.

Үзем янып-көйгән якыннар бар,

Минем өчен янып-көяләр.

3. Мин бәхетле, татлы таңнарым бар,

Мин бәхетле, көтә кичләрем.

Яшим әле, яшим, сөбханалла,

Һаман язлы әле хисләрем.