Знічкі

Прыйдзi цi хоць калi прыснiся,

Каб воблiк твой не змог забыць.

Я цэлы свет любiць стамiўся.

Адну цябе хачу любiць.

Жаданай мараю з’явiся.

Каханнем шлях твой асвячу.

Я цэлы свет любiць стамiўся.

Цябе адну любiць хачу.

Позняй шыпшыны чырвоныя кветкі

Пальцы паранілі мне.

Зоркі на шкле – выпадковыя сведкі –

Знічкамі ў белым віне.

Тонкі крышталь, лён вянчальнай сукенкі,

Ваза ў раскрытым акне.

Позняй шыпшыны чырвоныя кветкі

Пальцы паранілі мне.

Сыду на дол з нябесных высяў

Сказаць "бывай" сваёй жальбе.

Я цэлы свет любiць стамiўся.

Хачу любiць адну цябе.

Прашу, знявераны: вярнiся!

Прабач мне крыўду i ману.

Я цэлы свет любiць стамiўся.

Любiць хачу цябе адну.

Позняй шыпшыны чырвоныя кветкі

Пальцы паранілі мне.

Зоркі на шкле – выпадковыя сведкі –

Знічкамі ў белым віне.

Тонкі крышталь, лён вянчальнай сукенкі,

Ваза ў раскрытым акне.

Позняй шыпшыны чырвоныя кветкі

Пальцы паранілі мне.