សូមថ្នមប្រលោមទុក

មុននឹងអឺយ! ឃ្លាតកាយ ឆ្ងាយពីស្រីម៉ុម

បងសូមថ្នាក់ថ្នម ប្រលោមស្នេហ៍ស្និទ្ធ

បបោសអង្អែល ស្រង់ក្លិនវរមិត្រ

រួមស្នេហ៍រួមស្និទ្ធ ផ្ដេកផ្ដិតកៀកកើយ

បងលាអឺយ! ម្ដងនេះ មិនដឹងថ្ងៃណា

បើព្រេងលោកចារ ថាគូពីនាយ

គង់តែបងវិល មកជួបត្រាណត្រើយ

អូនកុំព្រួយឡើយ បងមិនភ្លេចទេ

យប់នេះបងលា ពុំងាទៅឆ្ងាយ

ឃ្លាតទៅតែកាយ ចិត្តនៅនឹងស្នេហ៍

ដួងចិត្តបរិសុទ្ធ ទៀងឥតកែប្រែ

ទុកជូនមាសមេ ជូនស្នេហ៍ស្មោះត្រង់

បើបាត់អឺយ! បងយូរ គ្រាន់តែជួយបន់

ព្រលឹងតូចតន់ កែវកុំសៅហ្មង

ក្រែងនាំឱ្យឈឺ ឈឺព្រោះរូបបង

ធ្វើម្ដេចកម្មយើង បើព្រេងគង់ជួប

យប់នេះបងលា ពុំងាទៅឆ្ងាយ

ឃ្លាតទៅតែកាយ ចិត្តនៅនឹងស្នេហ៍

ដួងចិត្តបរិសុទ្ធ ទៀងឥតកែប្រែ

ទុកជូនមាសមេ ជូនស្នេហ៍ស្មោះត្រង់

បើបាត់អឺយ! បងយូរ គ្រាន់តែជួយបន់

ព្រលឹងតូចតន់ កែវកុំសៅហ្មង

ក្រែងនាំឱ្យឈឺ ឈឺព្រោះរូបបង

ធ្វើម្ដេចកម្មយើង បើព្រេងគង់ជួប