ចាំផុតភ្ជុំសិន

(ប្រុស) ស្រីអើយស្រីយួរស្រាក់ជាប់ដៃតើអូនធ្ងន់អត់? ស្រីអើយស្រីយួរស្រាក់ជាប់ដៃតើអូនរួយអត់?

មើលទៅពាលពៅដូចរៀងហត់ៗ មេឃក្តៅមុខរៀងកម្សត់ បើហត់បងជូនទៅបាន

ឡើងឡានបងមកកល្យាណ

(ស្រី) អរគុណហើយមិនចាំបាច់ឡើយវត្តនៅខាងមុខ អរគុណហើយដើរជិតដល់ហើយវត្តនៅខាងមុខ

អរគុណដែលដឹងសុខទុក្ខ តែមើលទៅដូចប្លែកមុខ មិនមែនអ្នកស្រុកនេះទេមែនទេ?

អត់ស្គាល់ផងមកសួរនាំគេ

(ប្រុស) បងមកពីស្រុកឆ្ងាយរៀបម្ហូបរៀបបាយមកវត្តនេះដែរ មកដើម្បីធ្វើបុណ្យ ឥឡូវបានបុណ្យ

សំណាងបែរបានជួបស្នេហ៍ មុខមូលដូចជាដួងខែ ស្លៀកពាក់សមជានារីខ្មែរ ចង់ស្គាល់ពុកម៉ែផ្ទះនៅម្តុំណា?

បង្កើតកូនស្រីស្អាតដូចទេវតា

(ស្រី) ខែបិណ្ឌភ្ជុំគេគិតរឿងបុណ្យមិនមែនស្នេហា ថ្ងៃភ្ជុំធំប្រញាប់រៀបចំចង្ហាន់ដូនតា

ចង់និយាយរឿងស្នេហា ចាំផុតភ្ជុំសិនរៀមរ៉ា ខ្ញុំក៏មិនថាអីថាវ៉ាន់ដែរ សំខាន់ហ៊ានចូលសួរដល់ពុកម៉ែ