រីករាយ

កុំខឹងប្រុសព្រលឹងស្នេហ៍ស្នង

ទើបជួបគ្នាម្ដងបងកុំហ្មងសៅ

កុំភ័យហ្មងសៅ ហ្មងសៅ ហ្មងសៅ ហ្មងសៅ

កុំខឹងប្រុសព្រលឹងស្នេហ៍ស្នង

ទើបជួបគ្នាម្ដងបងកុំហ្មងសៅ

អញ្ជើញងួតទឹកលាបល្មៀតសិនទៅ

អញ្ចើញងួតទឹកលាបល្មៀតសិនទៅ

ល្មៀតលឿងឆ្អៅអូនលាយនឹងម្សៅ ដោយដៃឯង

សិតសក់ឆ្លុះកញ្ចក់ទៅបង

បើរមាស់ខ្នងចាំនួនល្អងអេះឱ្យ

អេះឱ្យ អេះឱ្យ អេះឱ្យ អេះឱ្យ!

សិតសក់ឆ្លុះកញ្ចក់ទៅបង

បើរមាស់ខ្នងចាំនួនល្អងអេះឱ្យ

ព្រោះតែរលឹកអូនភ្លេចមុខភ្លេចក្រោយ

ព្រោះតែរលឹកអូនភ្លេចមុខភ្លេចក្រោយ

ទើបដាច់ចិត្តឱ្យភីលៀងទាំងរយ ទៅចាប់បងមក

គូអើយអើយគូពីព្រេង

អូនមិនលលេងទេណាប្រុសបង

រវើរវាយស្ទើរតែធ្លាយដើមទ្រូង

រវើរវាយស្ទើរតែធ្លាយដើមទ្រូង

អណ្ដែតអណ្ដូងយល់សប្តិយល់សូង ឃើញតែបងទេ

នួនល្អងបងអញ្ចើញពីសា

មង្ឃុតសេដាចេកណាំវ៉ាអំបូង

អញ្ជើញពីសានឹងផ្លែចេកអំបូង

នួនល្អងបងអញ្ចើញពីសា

មង្ឃុតសេដាចេកណាំវ៉ាអំបូង

ឬចេកពងមាន់ឬចេកឥតត្រយ៉ូង

ឬចេកពងមាន់ឬចេកឥតត្រយ៉ូង

ទឹកឃ្មុំដំឡូងឬមួយក៏ដូងខ្ទិះវិញ

ធុញណាស់ឱ!ម្ចាស់ថ្លៃខ្ញុំអើយ

គេមិនព្រមហើយនៅតែឆ្លើយមករកទៀត

ធុញណាស់ឱ!ម្ចាស់ថ្លៃខ្ញុំអើយ

គេមិនព្រមហើយនៅតែឆ្លើយមករកទៀត

កោតមិនខ្មាសរស់ជាស្រីខ្វះមាយាទ

កោតមិនខ្មាសរស់ជាស្រីខ្វះមាយាទ

កុំបញ្ចេញស្នៀតបោកចិត្តខ្ញុំអី

ជេរចុះណាអ្នកប្រុសសម្លាញ់ចិត្ត

រីឯការពិតចិត្តអូននៅដដែល

ជេរចុះណាអ្នកប្រុសសម្លាញ់ចិត្ត

រីឯការពិតចិត្តអូននៅដដែល

បងជាទឹកអូនជាត្រីកំពុងហែល

បងជាទឹកអូនជាត្រីកំពុងហែល

ក្រវែលឡើងគោកក៏មិនរួចឡើយ

ស្ម័គ្រអីនាង ជាស្រីឋានសួគ៌

រូបបងមិនគួរ ប្រុសនរកអវចី

ស្ម័គ្រអីនាង ជាស្រីឋានសួគ៌

រូបបងមិនគួរ ប្រុសនរកអវចី

លេបមិនរួចទេ ផ្លែឈើនំចំណី

លេបមិនរួចទេ ផ្លែឈើនំចំណី

នឹកឃើញ ម្ដាយថ្លៃថ្ងៃនេះគ្មានអ្វីសែនផ្នូរសោះ

កុំព្រួយចាំអូនជួយរៀបចំ

ផ្កាទៀនធូបនំទុកសែនផ្នូរម៉ែ

ទេទេទេមិនយកមិនខ្ចី

ម្ហូបចំណីសេដ្ឋីចិត្តឃោរឃៅ

ស៊ូដើរសុំទានសុំទានគេអ្នកក្រៅ

ស៊ូដើរសុំទានសុំទានគេអ្នកក្រៅ

កុំឃើញហើយហៅ សេដ្ឋីចិត្តខ្មៅនៅម្នាក់ឯងចុះ៕