Сен алғаш, гүл бердің

Сен алғаш гүл бердің көктемде,

Ғайыптан кезігіп көк белде.

Сен алғаш самал боп өпкенде,

Асыл жарым, жасыл бағым.

Сен алғаш гүл бердің,

Гүл беріп ғажайып түрге ендің.

Көзіңнен шуақты нұр көрдім, күн көрдім.

Сен алғаш көктемде

Гүл бердің кезігіп көк белде,

Қайда сол көктемім,

Қыр асып кеткен бе?!

Сен алғаш гүл бердің,

Гүл беріп ғажайып түрге ендің.

Көзіңнен шуақты нұр көрдім, күн көрдім.

Сен алғаш гүл берген көктемде,

Жігіт ең өрімтал от кеуде.

Сен алғаш кезігіп көк белде

Асыл жарым, жасыл бағым.

Сен алғаш гүл берген,

Гүл беріп түрленген, сұр мерген

Көзіңнен шуақты нұр көргем, күн көргем.