好心你咪俾心我

好心你咪俾心我 俾心我心跳快咗 俾嗰吓辣㷫嗰邊嗰個 嗰個係我老婆 好心你咪俾心我 俾心我諗嘢勁多 俾俾吓個個俾心俾我 我應該俾返邊個 喂 你哋係咪黐筋 對你嘅偶像咁癡心 當佢係親人 情人 有咩嘢誘因 又唔係同佢有親 有親佢出現你幾忙都抽身 舉牌舉到手抽筋 成份月薪買佢嘅門票買佢嘅T shirt買佢嘅毛巾 你欣賞佢嘅作品 嗰陣 甚至可能 覺得佢係當今世上最瞭解你嘅一個人 佢表演緊 想佢唱多陣 嗌encore肯 嗌到破音 所有偶像都只係人 得到咁多人嘅歡心 係咪應該諗諗 咁多位粉絲嘅觀感 唔好咁 沙塵 沙沙滾 唔好呻 藝人 都有私隱 對忠心嘅忠粉唔好再要佢哋花多幾個鐘等 將心俾心 佢爲你飛奔 你都要為佢犧牲 好心你咪俾心我 俾心我心跳快咗 俾嗰吓辣㷫嗰邊嗰個 嗰個係我老婆 好心你咪俾心我 俾心我諗嘢勁多 俾俾吓個個俾心俾我 我應該俾返邊個 喂你係咪太癲 可以為你偶像訓街邊 排隊永遠排喺最前 買飛從來唔睇價錢 請埋假 一支箭 就衝過去 應援嘅最前線 屋企人話 你痴線 好彩仲有班友會陪你癲 每次佢生日 出唱片 又到你出心出力使錢 幫佢搞到好體面 自己就捱個公仔麵 支持咗一年又一年 為見到佢一面 又失眠 偶像嗰邊 咪視而不見 當呢啲一定係必然 話知你頂流唔頂流 影張相 就 咪 耍手擰頭 又話趕時間走 未化妝整頭 藝人嘅終身成就 咪又係靠忠粉成就 好心佢哋要俾心機俾返心你先係真理 好心你咪俾心我 俾心我心跳快咗 俾嗰吓辣㷫嗰邊嗰個 嗰個係我老婆 好心你咪俾心我 俾心我諗嘢勁多 俾俾吓個個俾心俾我 我應該俾返邊個 Woohoo 俾你囉 俾佢囉 不過 Woohoo 俾咗你 一個 邊個俾返俾我 Woohoo 俾你囉 俾佢囉 不過 Woohoo 俾咗你 一個 邊個俾心俾我啦