KZ係全香港最好嘅Rapper

KZ係全香港最好嘅Rapper 你唔知道嘅話 自己上網去check吓 佢嘅rap 要你嗒 佢嘅押韻 令人上癮 佢係現代嘅詩人 玩文字嘅詞神 Flash back 返去二十年前今日 我哋用同一個錄音室 用過同一支筆 每次都係KZ哥 最快KO啲歌 佢係 俾地盤 耽誤咗嘅 Biggie Small 會睇尼采嘅地盤佬佢算係奇葩 一直做 做最好嘅 嘻哈 無其他 大半生 用聲韻 記錄情感 今日就等我用押韻去記錄呢個人 我話 KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper 俾你rap 到最叻 咁又點啫 最後只係得到respect Respect就ok ok 邊個嚟養屋企 佢話男兒當自强 男兒當說唱 憑佢啲歌嘅質量 點解會冇市場 佢教過rap學生都算多 但係你估一個Rapper想做老師多啲定係想做hit歌 以前創作搞笑歌係紅爆咗 但係冇乜邊個 記得唱嘅係邊個 佢退隱 因為再無人 重視押韻 到最近 歌詞 對人 再無功能 佢啲歌 太深奧 太多嘢要諗 你驚聽KZ哥 你寧願聽Gang Gang 佢值得 更多人識 多幾百萬點擊 佢唔應該做緊工程 應該世界各地touring 佢直情 係紅館rap嘅第一人 請我地做嘉賓 呢啲通通應該要發生 KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper 你身邊有幾多個好似KZ 咁嘅case 係咪已經多到唔算係奇人奇事 明明佢哋嘅才華係首屈一指 但係最後鬱鬱不得志 個世界係咪刻意 將天才變庸才 將才能變無能 將幾多個梵高犠牲 先死心 可唔可以唔好等佢死咗先捧佢做英雄 可唔可以喺佢在生嘅時候都俾返啲認同 可唔可以唔好要佢攞住啲才華做裝修養家 可唔可以講句公道說話 KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper 你身邊總有一拃 藝術家 哲學家 畫家 運動家 才華佢哋大把 只係際遇太差 時也 命也 原本佢係得㗎 係冇人扶佢一把 冇運氣 送煤氣 賣電器 做經紀 勞氣 到冇氣 到放棄 冇驚喜 佢人生套戲 冇吐氣 揚眉 你 願唔願意扶佢一把 等呢一拃 藝術家 哲學家 畫家 運動家 咪浪費佢才華 冇時也同命也 台上 台下 講句公道說話 KZ係全香港最好嘅Rapper 你看到了嗎 身邊的他被世上埋沒 後悔嗎 你有嘆氣嗎 會替他惋惜嗎 他 應不只這樣吧 他 應該更注目吧 他 應該可得到至少 我向世界呼叫 KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper KZ係全香港最好嘅Rapper