เพลงบทสวดพระคาถาชินบัญชร (เสียงเด็ก)

(Jinapañjara-gāthā) Namo tassa bhagavato arahato sammāsambuddhassa Namo tassa bhagavato arahato sammāsambuddhassa Namo tassa bhagavato arahato sammāsambuddhassa Puttakāmo labhe puttaṃ Dhanakāmo labhe dhanaṃ Atthi kāye kāyañāya Devānaṃ piyataṃ sutvā Itipi so bhagavā yamarājāno tau-vessuvaṇṇo Maraṇaṃ sukhaṃ arahaṃ sugato Namo buddhāya (Repeat) Jayāsanākatā buddhā Jetvā māraṃ savāhanaṃ Catu-saccāsabhaṃ rasaṃ Ye piviṃsu narāsabhā Taṇhaṅkarādayo buddhā Aṭṭhavīsati nāyakā Sabbe patiṭṭhitā mayhaṃ Matthake te munissarā Sīse patiṭṭhito mayhaṃ Buddho dhammo dvilocane Saṅgho patiṭṭhito mayhaṃ Ure sabba-guṇākaro Hadaye me anuruddho Sārīputto ca dakkhiṇe Koṇḍañño piṭṭhi-bhāgasmiṃ Moggallāno ca vāmake Dakkhiṇe savane mayhaṃ Āsuṃ ānanda-rāhulo Kassapo ca mahānāmo Ubhāsuṃ vāma-sotake Kesato piṭṭhi-bhāgasmiṃ Suriyo va pabhaṅkaro Nisinno siri-sampanno Sobhito muni-puṅgavo Kumāra-kassapo thero Mahesī citta-vādako So mayhaṃ vadane niccaṃ Patiṭṭhāsi guṇākaro Puṇṇo aṅgulimālo ca Upālī nanda-sīvalī Therā pañca ime jātā Nalāṭe tilakā mama Sesāsīti mahātherā Vijitā jina-sāvakā Etesīti mahāthera Jitavanto jinorasā Jalantā sīla-tejena Aṅgamaṅgesu saṇṭhitā Ratanaṃ purato āsi Dakkhiṇe metta-suttakaṃ Dhajaggaṃ pacchato āsi Vāme aṅgulimālakaṃ Khandha-mora-parittañca Āṭānāṭiya-suttakaṃ Ākāse chadanaṃ āsi Sesā pākāra-saṇṭhitā Jināṇāvara-saṃyuttā Sattappākāra-laṅkatā Vāta-pitt'ādi-sañjātā Bāhir'ajjhatt'upaddavā Asesā vinayaṃ yantu Ananta-jina-tejasā Vasato me sakiccena Sadā sambuddha-pañjare Jina-pañjara-majjhamhi Viharantaṃ mahītale Sadā pālentu maṃ sabbe Te mahā-purisāsabhā Iccevamanto sugutto surakkho Jinānubhāvena jitūpaddavo Dhammānubhāvena jitārisaṅgho Saṅghānubhāvena jitantarāyo Saddhammānubhāva-pālito Carāmi jina-pañjare'ti