Nde tapỹi rokára mbojeguamihára hyakuãvúva hína
Nde ryke jazmín-gui kokuehe ahasávo aipo'o ipoty
Hyakuãngue añoñávo che ánga ruguápe ahenói nde réra
Ha che pyti'áre romoñe'ẽhárõ aipyhy ajopy
Péichante va'erãpa jajuhu pe máva jahayhu asyetéva
Ha oje'ove'ỹva ñane korasõgui opa pe ima'ẽ
Amambái rokýpe vaichánteko chéve nde resa jeguáva
Ha ku hesatĩva ykua ka'aguýgui iporãiteve
Hyakuã piro'ýva ko'ẽ potyjúicha che py'ajoráva
Ha rejaitypóva che ãnga ruguápe, kuñataĩmi
Ndeichaite iporãvanipoku oiméne Ñandejára gracia
Ñasãindy ro'ýicha nde jojaha'ỹva, che pykasutĩ
Hi'ãnteko chéve mamo umi ahahápe nde reho che kuãre
Ha pyharekuévo ko che jyva ári tanekunu'ũ
Ñañemyatimóine kyha paraguáipe mokõive ojoykére
Ha yvytu pepóre jaropurahéine ñane mborayhu
