加價狂潮

返工等巴士 係最老土 風吹雨揼 遮蓋又冇 巴士揾到籠 仲更冇譜 加咗價啦服務 始終老套 專利惡哂 (哼) 乜都冇 車又曳 (啍) engine 老 想投訴 (嘥氣) 唉 遭警告 勸你睇開啲啦 咪亂嘈 其實坐巴士返工 係最老土 走多兩步 慳返算數 打風搵的士 要過海 七張嘢過外 飛車送到 好易報到 (咪喇) 賭彩數 又咿又囖 (算啦) 仲亂開數 忍住氣 (唉) 不敢告 最怕的士司機 佢當你盲毛 其實坐小巴 收一蚊已算高 司機猛轉路牌 盞拗數 喂 老友啊 你中環上車嚟到筲箕灣 收三蚊喎 點解呀? 你個路牌明明寫住收一蚊嘎啵 嘿 中環去灣仔一蚊 灣仔去北角一蚊 北角去筲箕灣又一蚊 嘩! 你唔見我轉咗三次路牌啊 大佬啊 有得搶咩? 搶食世界 (搶食世界) 渣都冇 搵著數 (搵著數) 唉 心火燥 水電費 (點呀) 都加到 嗰老友 抄表亂估 佢引以自豪 連累到 好多打工仔 猛咁賭 一身債 靠六合彩結數 (難啊) 開支增加 要去當鋪 乜都當盡 都不夠數 而家打工仔 最惡撈 加工再擴大 好難算數