Jantjie Pieterse

Kan ek jou vertel

Van die storie van my pel?

Hy's die middelkind van drie

Waar hy bly is daar nie teerpad nie

Hy ken van grondpad loop

Na die padstal vir hul brood

Van melk haal by die boer as hy sy hout aan hom verkoop

Jantjie Pieterse, my pel van die platteland

Hy ry met die donkie om sy sussie by die skool te haal

Jantjie Pieterse, in eenvoud voer jy jou bestaan

Ek kyk na jou en ek wonder waaroor die lewe gaan

Kameraadskap, liefde en vertroue vind ek in jou

Jantjie, jy wat weet van swaarkry as die wintermaande nader kruip

Ouboet vry die meisies, maar jy moet by die huis wees

Om na jou ma te kyk, omdat jou pa net daar in gees kan wees

Jantjie Pieterse, my pel van die platteland

Hy ry met die donkie om sy sussie by die skool te haal

Jantjie Pieterse, in eenvoud voer jy jou bestaan

Ek kyk na jou en ek wonder waaroor die lewe gaan

Dan staan ek by myself en kyk

Watter lewe maak mens ryk

Een van tyd en geld

Of dalk die een van Jantjie in die veld?

Jantjie Pieterse, my pel van die platteland

Hy ry met die donkie om sy sussie by die skool te haal

Jantjie Pieterse, in eenvoud voer jy jou bestaan

Ek kyk na jou en ek wonder waaroor die lewe gaan

Jantjie Pieterse, my pel van die platteland

Hy ry met die donkie om sy sussie by die skool te haal

Jantjie Pieterse, in eenvoud voer jy jou bestaan

Ek kyk na jou en ek weet nou waaroor die lewe gaan