Widderlich

Wer nur Hass sät, dä weiß, dat Jewalt druss entsteht

Wer op Neid setz, dä weiß, wie dä Pöbel met Fremdem ömjeht

Enn ’nem Ellboore-Land, wo mer Sündeböck schon ens verbrannt

Hey, spart üch die Kränz, ihr künnt mich nit blende

Die Betroffenheitsphrase sinn zynisch, su falsch wie Krokodilsträne

Ihr sitt widderlich, ni mieh zo erdraare

Ihr sitt penetrant, wohre Asoziale

Ihr sitt ignorant

Wat kammer vun üch schon erwaade?

Karrierejeil sitt ihr Versaarer, sons nix

Ihr sitt widderlich

Während ihr ohne Skrupel Jrundrääschte verkrüppelt, zersäächt

Un enn Talkshows op dufte maat, domet dat jo nit opfällt

Freut ihr üch weg, wenn unsereins schön brav dä Pausenclown määt

Dat die Welt nur nit denk, et künnt noch ens passiere

Deit mer Leid, keine Schlaach mieh, sulang Schleimer wie ihr dat Land he rejiere

Ihr sitt widderlich, ni mieh zo erdraare

Ihr sitt penetrant, wohre Asoziale

Ihr sitt ignorant

Wat kammer vun üch schon erwaade?

Karrierejeil sitt ihr Versaager, sons nix

Ihr sitt widderlich

Wie künnt ihr üch selvs em Speejel erdraare?

Wenn ihr in Unschuld de Häng wäscht, enn Kameras strahlt

Litt üch do nix em Maare?

Ihr sitt widderlich, ni mieh zo erdraare

Ihr sitt penetrant, wohre Asoziale

Ihr sitt ignorant

Wat kammer vun üch schon erwaade?

Karrierjeil sitt ihr Versaager, sons nix

Ihr sitt widderlich