Mir schenke der Ahl e paar Blömcher

Em janze Veedel es die ahl Frau Schmitz bekannt

Se weed vun allen nur et Schmitze Bell jenannt

Die hätt nit viel, es nit besonders rich

Un hätt noch lang nit jede Meddaach Fleisch om Desch

Nur ein Deil jit et, wo se Freud' dran hätt

Dat sinn die Blömscher op ihrem Finsterbrett

Mer schenke dä Ahl en paar Blömscher

E paar Blömscher für ihr Finsterbrett

Mer schenke ihr e paar Blömscher

Denn die ahl Frau Schmitz, die es esu nett

Un klopp och öfters ens 'ne Ärme an ihr Dür

Dat se janix jitt, ich jläuv dat kütt nit vür

Un se es och nit rich, es keine Milljonär

Jet zo verschenke, dat fällt ihr jar nit schwer

Un sinn et nur zehn Penning un nit mih

Dovür hät se ävver usere Sympathie

Mir schenke dä Ahl en paar Blömscher

E paar Blömscher für ihr Finsterbrett

Mir schenke ihr e paar Blömscher

Denn die ahl Frau Schmitz, die es esu nett

Un es die ahl Frau Schmitz ens einmol nit mih do

Dann deit dat manchem wih, dat es doch klor

Un wor se och nit rich, hatt net besonders vill

Su wor se doch für uns all et Schmitze Bell

Mer schenke dä Ahl en paar Blömscher

E paar Blömscher für ihr Finsterbrett

Mer schenke ihr e paar Blömscher

Denn die ahl Frau Schmitz, die es esu nett