D'un Diu missu in carri n'ebbi turmenti è morti
Eiu lu Tenicaru è chì mancu nun sà
Eiu lu Pienghjipuri chì nimu ùn pò lagnà
Quandi la mè scarpata scrivi la malasorti
Quant'è lu basgiu persu chì d'altri labbri
avvinghji
Socu lu Contafoli ma quali u sintarà?
Socu d'issu Ghjudiziu ch'ùn lu possu imparà
Chì n'hè grevu lu Veru à quali lu si cinghji
Tempi fà la me fronti d'una Stidda lucia
Ma l'ira di lu Patri la feci mucatura
Di la Sarpi mi deti vilenu è andatura
Spavintatu è ghjilosu chì troppu eiu ni sapia
Socu u Portaluci
U Diu missu in cruci
