一個新星的誕生

熾熱歌嘅掌聲夾雜住來自四方八面嘅歡呼 你只有一再咁鞠躬表示你嘅感激 但係當你垂低頭嘅時候 你不禁會問 呢個時刻就係夢境成真 抑或其實係一個夢想嘅終結呢? 踏入後台 每一個迎上嚟嘅人都帶住熱烈嘅神情 親切嘅祝貨 (你成功嘞 你終於成功嘞) 今晚係屬於你嘅 然而當佢哋將最後一支射燈熄滅嘅時候 你就知道 畢竟今晚嘅一切都會成為回憶中嘅一部份 永不磨滅 今晚羣眾再一次送上佢哋嘅掌聲 歡呼 後台兩旁嘅人都響度急切咁等待 佢哋面上帶住熱烈嘅神情 當然啦 一個新星嘅誕生確係令人興奮 令人雀躍嘅 呢一切對你嚟講 實在太熟悉嘞 彷彿只係昨日嘅事啫 轉眼之間 人羣已經消散 冷清清嘅大堂只剩低兩三個清潔工人響度打掃 今晚佢哋就要將地方執拾乾淨 因為可能聽日 佢哋又需要迎接另一個新星嘅誕生