Kven vil vel hava ein gamal spelemann
Med krokut rygg og fela i skjelvande hand?
Kven vil vel hava ein gamal spelemann
Som fingrar stivt og gnikar det vesle han kan?
Eg svara fuglen blå, eg vil bu i fela
Strengen vil eg sulle mine beste leikar på
Eg svara vinden blid, eg vil draga bogen
Tonen har eg, den han saknar frå si beste tid
Kven vil vel hava ein gamal spelemann
Som savlar snus og syg på ei lealaus tann?
Når vassflogne augo ser ungdom par om par
Som gjeng til dans og leitar seg kvende og kar –
Eg sa ei jente glad, han skal få mi glede
Spelemannens hjarte har eit vemod eg vil ha
Og jenta slo håret ut, smaug seg opp i fanget
Eg vil vera kjærast med ein gamal felegut
Og fuglen slo triller på trollstemt felebas
Med' vinden drog sin boge i eng og i gras
Og spelmannnen dansa i utslått jentehår
Han gret seg glad for no, ja for no var det vår
Og somt er vel eventyr, somt er knappast sanning
Somt er berre draumar i ein gamal spelemann
Ja, somt er vel eventyr, somt er knappast sanning
Somt er berre draumar i ein gamal spelemann
