Labyrinth

Und du wecksch mi vor dem Garte

won i gschlofe ha mängs Johr

Brüllsch, du mögsch jetz nümme warte

Jagsch mi uf, triebsch mi zum Tor

Und da stohn i jetz verlore

I mim Nacke gällt dis Lache

Wien äs Kind wo zwangsgebore

sich uf sinä Wäg mues mache

Dermol will is nüme so

Dermol wird's ganz andersch go

Dermol mag der sicher ko

Dermol kusch mer nid dervo

Und mis Härz so unagmässe

De rot Fade in dä Händ

I mim Kopf z'grosse Vergässe

Linggs und rächts die graue Wänd

Und es Ziel in de Gedankä

Won i wie us Träum no weiss

Uf en offne Meer ä Planke

Im Finschtere äs Gleis

Dermol will is nüme so

Dermol wird's ganz andersch go

Dermol mag der sicher ko

Dermol kusch mer nid dervo

Bisch äs Unghür, Tüfel, alti, fiesi Ratte

Wüelsch im Dräck und sääsch der Zwiifel

Hängsch di a mi wien e Schatte

Wer di nid aaluegt wird zu Stei

Wer di suecht, dä wird sich finde

Wer di nid findt, dem bliibt elei

vo sim Baum die trochnig Rinde

Wer di nid aaluegt wird zu Stei

Wer di suecht, dä wird sich finde

Wer di nid findt, dem bliibt elei

vo sim Baum die trochnig Rinde

Aber dermol kusch mer nid dervo

Dermol wird's ganz andersch go

Will dermol will is nümme so

Dermol mag der sicher ko!