غرقان في بحر دموع

الضربه لما بتيجى من ناسك بتقتل

لو ألف ضربه من الغريب مكنتش تشغل

لما اللى منك يجرحك ويدوس عليك

اجبارى لازم منو تاخد جمب تقفل ..

................

رب العباد هو اللى عالم بلى فيا

وعشان كدا لباب السما برفع ايديا

انا مش مسامح اى حد فى يوم ظلمنى

اقرب ماليا كسرلى قلبى وجيه عليا ..

غرقان فى بحر دموع لحد ماعينى نشفت

من كتر ما بفكر فى همى دماغى لفت

دانا م اللى شايفو بقيت عايش بتمنا موتى

مبقتش قادر حتى دقة قلبى وقفت ..

...............

يارب ياتريحنى او عندك تاخدنى

اوضعلى حل عشان تعبت ياريت تفيدنى

البخت مايل فى القرايب ظنى خايب

معرفش ليه الدنيا بتحب تعاندنى ..

...............

مستكترين على قلبى يفرح حتى ثانيه

كل اما بضحك تنقلونى فى حته تانيه

مش دايمه ليكم يالى طبع الغل فيكم

الدنيا بس دامت لمين والله فانيه ..

................

المستخبى خلاص ظهر ع الأصل بانو

مش هدى تانى فى يوم أمان انا اللى خانو

انا مش مصدق حاسس انى بجد بحلم

ازاى عليهم اهون دا عمرهم ما هانو ..

للدرجه ديا ياناس طلعتو بتكرهونى

يعنى اللى فات كان كدب وانتو بتخدعونى

هبعد بعيد وبحق لو يوم شوفتو وشى

انا من حياتكم هختفى ومش هتشوفونى ..

................

مبقتش فيها عتاب خلاص خلصت معاكو

دانتم اذيتو واحد محبش يوم اذاكو

والله مهما عليا قولتو أنا مش شاغلنى

اللى مزاولكم انى مش من مستواكو ..

...............