Cuo Bu Liao

མཐོན་པོ་རི་ནས་བྱ་བརྒྱ་ཕུར་ཡོང་འདུག

བྱ་བརྒྱའི་ནང་ལ་ཁུ་ཡུག་མི་འདུག་མོད།

བྱ་ཁུ་ཡུག་ཡོད་ན་ནོར་ས་མེད།

སྙན་མོའི་གསུང་སྐད་གྲགས་ལེ་རེད།

ཐང་ཆེན་པོའི་ཡ་སོ་ཡར་ནང་ལ།

རྟ་འདོ་བ་བརྒྱ་འགྲོ་སྟོང་འགྲོ་རེད།

དེ་སོའི་ནང་ལ་སྔོར་རྒྱ་མི་འདུག་མོད།

རྟ་སྔོར་རྒྱ་ཡོད་ན་ནོར་ས་མེད།

འགྲོས་སོ་གོམ་པ་གཅིག་ལེ་མིན།

སྡེ་ཆེན་པོའི་ཡ་སོ་ཡར་ནང་ལ།

སྨན་བུ་མོ་བརྒྱ་འགྲོ་སྟོང་འགྲོ་རེད།

དེ་སོའི་ནང་ལ་ཆུང་འདྲིས་མི་འདུག་མོད།

རོག་ཆུང་འདྲིས་ཡོད་ན་ནོར་ས་མེད།

མིག་ཁྲ་ཆུང་ལྟ་སྟངས་འདྲ་ལེ་མིན།