Ahla Alawasem Abu Dhabi

تبغي تشوف اللي ابد ماجا عــــــلى البال وخَطر؟

ابحر في روعــــة حسنها توصــل معي للي تبي

ادري ان ذوقك يختلف في سـطر ويوافــــق سطر

لكنها مثـــــل السما.. مثــــــل النجوم فـْ كوكبي

مثل الربيع وفـــــــــــوحة ازهاره وورده والعطر

والماء والخضره مـــع الوجه الحسن يا صاحبي

من فينا ما يحب القمر؟ من فينا ما يحب المـطر؟

من فينا بيعيب السما والبحـــــر والموج الابـي؟

ما تختلف الاذواق في كـل شي في بياتي خِـــطر

ولا يختلف ذوقـــــــــين في أرض المحبه بوظبي

فيها حـــلا كل الحــــــلا شطر شطر شطر شطر

قصيدةٍ فيها من الإبــــــــــداع ما يسبي سَبي

من حسنها كل قلب يغــرق فـي الجمال وينشطر

نصفه يــــــرد البسمله.. ونصفه يصلي ع النبي

في وجهها بــــــــــراءة الطفل المدلل لا خَطر

ولعينها قال الضيا للشمس فــــــــزي واغربي

فيها (الكريم) الحاكم الشيخ الحكيــم اللي سَطر

بسمه سمو اسما المكارم والفخر لك يا عـــــربي

 

صاحب سمو وقايد اغـــــلا ارض وافضاله قـَطر

يقول للسحب امطري.. ويقول للأرض اشــــربي

شيخي (محمد) جعل راسي فــدوته لى من قِطر

مائه على فقري اقـــــــــــول اني أبي وابي وابي

ابغي ثلاث اشياء مـــــــــن رب السماء وما فطر

ابغي (بقاه) و(شوفته) و(رضاه) غايـــــة مطلبي

بو(خالد) اللي ما مثله الاّ المطر لى مــــن مَطر

لا حــــدٍ يلوم ان قلت له بلسان (خــــالد) يا أبي

لانه سمو الخير لي كفه على الخـــــــــــير انفطر

يقول للجـــــــود وْنعم.. ويقـول للبخــل اتهبي

ذكره مثـــــل شهر الصيام.. وشوفته عيد الفطر

ومصافح ايــــده يوهب كْفوف المصافح ما سُبي

وبها الشيوخ اللي يــــــزيدوا غنجها تيه وبـــطر

وبها ارق وْأطـــيب وْأطهـــر قلــــــوب بْمحسبي

صعبة حلا.. وصعبة غلا.. والشوق يصعب لا نطر

لانها صعبه لقيت السهــــــــــــل في مستصعبي

هذي البلاد المعجزه.. أبلـــــــغ واسما ما سُطر

هذي إذا صـــح الكلام.. أغلى العواصم (بوظبي)