Lghrib

خليو دموعي راكدة

حتى نكون فقبري وعلى خدي تهبط باردة

القلب قصاح والكبدة جامدة

نتوما سبابي إذا وليت هكذا

خليو دموعي راكدة

حتى نكون فقبري وعلى خدي تهبط باردة

القلب قصاح والكبدة جامدة

نتوما سبابي اذا وليت هكذا

خليو دموعي راكدة

حتى نكون فقبري وعلى خدي تهبط باردة

القلب قصاح والكبدة جامدة

نتوما سبابي اذا وليت هكذا

كيقولوا فشكل ما نرضى بالذل ما مني كوبيا

موسوس من التيقة عندي فوبيا

عندي كارطة فآيفون جوج فنوكيا

والنماري ديال صحاب المصالح باقا مبلوكية

المورال عالي والواليدة راضية

والخونة كيستناو نطيح بضربة قاضية

ماناسي لا ماضي، ولا درابي ماضية

قلبي بحر كيهيج وعقلي وديانُه هادية

ياما كانوا كيشوفوني بشوفة ناقصة

ولي بغيتها ماكنتش بيا حاسة

كانت كتستنى حديد وديور

وأنا كانستنى تزول القهرة لي حابسها

وغريب ماشي فحال كولشي

وبزاف فيهم كان باقي مفهمشي

بلي را عانيت وفحالي ما صبروشي

تبسمت ملي تسناوني تفزگ رموشي

وحاس غنتخان ما عارف من شكون

من عتبة مرشوشة ولا من شي فخ مخزون

من الغراب لي بان حمامة وبدل غير اللون

ولا من الحمامة لي علموها كيف تخون

خليو دموعي راكدة

حتى نكون فقبري وعلى خدي تهبط باردة

القلب قصاح والكبدة جامدة

نتوما سبابي إذا وليت هكذا

خليو دموعي راكدة

حتى نكون فقبري وعلى خدي تهبط باردة

القلب قصاح والكبدة جامدة

نتوما سبابي إذا وليت هكذا

خياب الحال ياما، القلوب ضالمة

وليت باغي نموت غير موتة محترمة

ولاجات فيا متخفيش عليا ياما

غيتشفاو أكتر ادا شافوك مألمة

كل واحد فينا باش مضروب وكيفاش معطوب

كلا والطريقة ديالو كيفاش كيخبي الندوب

شحال ضحكوا معانا فاتونا وهبطوا الدموع

وشحال بكينا ويمكن حسوا بينا غير الشموع

يالي حزين فحالي واش كظن يشفقوا الناس

كولشي كيفكر فراسو وحاط مصلاحتو فأعلى كلاص

مكيشفوش القلب كيشوفو غير اللباس

غتقولهم ولد الناس وهوما بغاو لي لباس

وباقي كنحسب شحال من واحد واعد وخلف

جرحني مزيان وخلاني ننزف

هزيتو فضهري وعضني من الكتاف

شكون باغي يزيد كتر ومن همومي يقطف

من همومي، منك يا الفرحة لي موحال واش دومي

من الكوابيس لي كنشوفها فنومي

واش مرتاحة دابا يا النفوس لي تلومي ؟

خليو دموعي راكدة

حتى نكون فقبري وعلى خدي تهبط باردة

القلب قصاح والكبدة جامدة

نتوما سبابي إذا وليت هكذا

خليو دموعي راكدة

حتى نكون فقبري وعلى خدي تهبط باردة

القلب قصاح والكبدة جامدة

نتوما سبابي إذا وليت هكذا