Agawan Base (feat. EC Orduna)

Kilalanin mo

Nakakalito sa dami ng nagkakandarapa

Kilalanin mo

Kung sino ang duwag na nagpapanggap lang na matapang oh

Tumungin ka sa kapaligiran mo

Natupad ba niya lahat ng ipinangako niya sayo

Diba hindi naman wag na tayong magmaang-maangan

Dahil sa huli tayo lang rin naman ang mahihirapan

At tayo tayo lang din naman ang magtutulungan

Kung hindi pa mababalita di yan aaksyunan

Maraming bakit na tanong at ang sagot isa lang

Malamang nakahiga na yung nasa upuan

Hindi na makarinig hindi na makakita

Pero bulgaran na tinatanggi ang mga nahita

Parang mas lalong gumulo nag danak na mga dugo

Yung akalang kuro-kuro ay pinakatotoo kaya

Kilalanin mo

Nakakalito sa dami ng nagkakandarapa

Kilalanin mo

Kung sino ang duwag na nagpapanggap lang na matapang

Dumilim na ang kapaligiran mo

Nabura ng mabilis parang sulat sa pisara mga pangako niya sayo

Eh ano naman? natural na wala kang aasahan

Ilang taon na yan ilang tao na yan papalit palit at paulit ulit lang naman

Kapag isang normal na tao ang nakalaam ng kalarakan

Nagkakaron ng intensyon nakikipag-agawan

Eh pano pa kaya mga beteranong kawatan

Na maayos manamit di mo mapagkakamalan

Dadaanin niya sa salitang ingles

Malinis ‘lang mintis at sisigaw sigaw siya para intense

Kung talagang ang batas ay di lang sa mahirap nakatuon

Bakit pinayagan kumandidato ang nakakulong (pwede niyo bang sagutin?)

Kilalanin mo

Nakakalito sa dami ng nagkakandarapa

Kilalanin mo

Kung sino ang duwag na nagpapanggap lang na matapang oh

Sila sila nga ay di magkaintindihan

Pano pa tayo niyan iintindihin

Sabi nila sila ay iyong kaibigan

Pero tanging sa buwan ng mayo ka lang pagkakausapin

Kamay kamay tungo ngiti ng malapitan

Akala mo naman kung sinong birhen

Bigay damit payong para daw sa lipunan

Maliit na bagay para ang tiwala mo bilhin

Di na uso ngayon lantaran na abutan

Sa galing niya dumada ka dadaanin

Palamuti lang naman ang inyong pangalan

Pero mamamayan ang sasalo ng hirap dadanasin

Tuwing buwan ng mayo palaging maingay

Tuwing buwan ng mayo lahat sila mapagbigay

Tuwing buwan ng mayo tagpas ang mga sungay

Pero pag tapos na buwan ng mayo simula na ang pagbibitay

Ginagawa niyo ay para sa tao nga ba talaga?

O para sa pwesto na alam niyong ang mga tao ang magtatalaga

Wag kang padadala sa emosyon at mga sagot na patawa

Na nakakatawa pa sa una pero sa huli tayo na ang pagtatawanan ng mga kawatan

Kilalanin mo

Nakakalito sa dami ng nagkakandarapa

Kilalanin mo

Kung sino ang duwag na nagpapanggap lang na matapang oh

Kilalanin mo

Nakakalito sa dami ng nagkakandarapa

Kilalanin mo (kilalanin, kilalanin, kilalanin, suriin bago piliin)

Kung sino ang duwag na nagpapanggap lang na matapang oh (kilalanin, kilalanin, kilalanin, suriin bago piliin)