E Summer lang

Mängisch weni für mi ganz alleini bi,

luegi use i d’Nacht u fröie mi.

gueti Musig für d’Seel, e Drink i dr Hand,

de fahni afa tröime u es geit nid lang…

Scene us em Läbe, wo emau si gsi

teils ersch grad här u Teu scho lang verbi.

Wie denn dä Summer mit Dir, Schweissperle im Sand,

d’Liebi vo mim Läbe für ne Summer lang…uuuh…

Ha i denn Di verlah, oder Du mi… ?

I cha’s nümm säge, weiss es würklich nid…

… weiss nume dass i mängisch geng no a Di dänke,

… weni alleini bi.

Uh, was gieb i mängisch für nomau jung ds si,

das Gfüeu, Hütt isch Hütt, u Morn isch mir glich.

Für ne Beat wo nie hört, e Nacht wo nie stirbt,

es Füür u es Verlange wo geng stercher wird…uuuh…