Олох мөккүөрэ

Ол сахтан айылҕа киһилиин биир кэлим Алыптаах арахпат баар эбит биир ситим Киһи да, чэчик да, күн диэки талаһар Көҥүллүк салгыны ыймахтыан баҕарар Бу сиргэ өрүүтүн утарсыы оргуйар Түҥ-балай хараҥа сырдыктыын охсуһар Туруук таас кытылы долгуннар кырбыыллар Сырдык тыын, хара тыын хатыйсан тахсаллар Сырдык тыын, хара тыын хатыйсан тахсаллар Ийэ сир, күн күбэй ийэ-диэн-биир эйгэ Истиҥник иитиллэр иһирэх сүрэххэ Ама ким таҥнарыай ийэтин тапталын? Айыыттан алгыстаах амарах аатталын? Бу сиргэ өрүүтүн утарсыы оргуйар Түҥ-балай хараҥа сырдыктыын охсуһар Туруук таас кытылы долгуннар кырбыыллар Сырдык тыын, хара тыын хатыйсан тахсаллар Сырдык тыын, хара тыын хатыйсан тахсаллар Сиккиэр тыал сипсийэн хатыҥы тоҥхотор Таптал баар сүрэҕи нүөлүтэ долгутар Атааннаах бу сиргэ дьылҕа-хаан суол ыйар Олох диэн таабырын таайыыта салҕанар Бу сиргэ өрүүтүн утарсыы оргуйар Түҥ-балай хараҥа сырдыктыын охсуһар Туруук таас кытылы долгуннар кырбыыллар Сырдык тыын, хара тыын бу олох мөккүөрэ Сырдык тыын, хара тыын Сырдык тыын, хара тыын бу олох мөккүөрэ